ciung wanara

CIUNG WANARA

Kacaritakeun dua patih sakembaran, Patih Purawesi jeung Puragading, sejana ka pasamoan, bawana hayam sahiji, patepung di alun-alun jeung Ciung Wanara.

Ciung Wanara : "Dek kamana paman, bet ngaleut duaan?"

Patih : "Naha maneh wani-wani kaaing nyebutkeun paman? Kapan aing teh papatih?"

Ciung Wanara : "Disebut sia ku daek. Disebut paman ge mumul."

Patih : "Naha maneh anak saha?"

Ciung Wanara : "Anak bapa."

Patih : "Saha bapa maneh?"

Ciung Wanara : "Salaki indung."

Patih : "Indung maneh teh saha?"

Ciung Wanara : "Kapan pamajikan Bapa."

PATIH DUAAN SALEUSEURIAN, NGADENGE OMONGAN CIUNG WANARA BARI TULUY NGADEUKEUTAN NU KEUR NGELEK HAYAM.

Patih : "Ti mana maneh mawa hayam, mana alus-alus teuing?"

Ciung Wanara : "Turunan ti sayangna, asalna indung bikang bapa jago, asalna tina endog."

Patih : "Atuh puguh da geus jamak mupakatna, cik ngilikan!"

Ciung Wanara : "Tah geuning buntutna."

Patih : "Abong-abong."

Ciung Wanara : "Ih, abong-abong mah songong."

PATIH NGAJAK NGADU HAYAM BARI NGENCARKEUN HAYAMNA TINA KISA. CIUNG WANARAOGE NGALEUPASKEUN HAYAMNA. GERBAEDIADU. KACARITAKEUN HAYAM PATIH NU ELEH. ETADUAPATIHTEH NGAMBEK. CIUNG WANARA NGALEUGIT, NINGGALKEUN TEMPAT ETA.

Patih Purawesi : "Duh, Rai, tiwas, hayam urang paeh, budak leungit.

Patih Puragading: "Keun wae, taksiran anak siluman."

ETA DUA PATIH TULUY ARINDIT NINGGALKEUN TEMPAT MURU KA PASEBAN. KACARITAKEUN LENGSERJEUNG CIUNG WANARA

Ciung Wanara : "Rek ka mana uwa?"

Lengser : "Rek ka paseban, milu ka uwa?"

Ciung Wanara : "Embung teu wawuh."

Lengser : "Teu umum teu wawuh jeung kuring."

Ciung Wanara : "Enya teu wawuh, da papanggih ge kakara."

LENGSER NGALEOS INDIT KA PASEBAN, DITUTURKEUN KU CIUNG WANARA. KACARITAKEUN GEUS NEPI KA PASEBAN.

Lengser : "Aeh, Asep ti mana?"

Ciung Wanara : "kapan uing ti padusunan, Uwa nya kuring nu ngaran Ciung Wanara, putra Nini Balangantrang - Aki Balangantrang."

Lengser : "Sukur teuing juragan, ku Uwa geus kaharti."

Ciung Wanara : "leu Uwa imah saha?"

Lengser : "Ih, Asep, ieu rrtah paseban."

Ciung Wanara : "Ari nu sukuna opat matana loba naon?"

Lengser : "Korsi gading tabur inten."

Ciung Wanara : "Paranti naon?"

Lengser : "Paranti linggih raja."

Ciung Wanara : "Kumaha Lamun ku kuring didiukan?"

Lengser : "Ulah bisi doraka."

CIUNG WANARATEU NGAGUGU KANA PANYARAM LENGSER. GEK WAE CIUNG WANARA D1UK DINA KORSI. TAPI KORSI NU DIDIUKAN TEH REMUK, LANTARAN TEU KUATEUN KU AWAK CIU NG WANARA NU BEURAT. LENGSER REU WASEN.

Lengser : "Duh, Agan, tiwas, urang teh tangtu cilaka, sideuseul ku nu kagungan!"

CIUNG WANARA KALAH KASEUSEURIAN, MEUNA NGAGAKGAK.

Ciung Wanara : "Itu paranti naon?"

Lengser : "Ranjang katil, sok dipake kulem raja."

CIUNG WANARA TULUY N AEK KANA RANJANG KATIL. TAPI AYEUN A M AH KU LENGSER TEU DICAREK.

KACATURKEUN CIUNG WANARA JEUNG LENGSER GEUS AYA DI PASAMOAN PAYUNEUN RATU GALUH.

Ratu Galuh : "Maneh urang mana?"

Ciung Wanara : "Abdi urang Geger Sunten."

Ratu Galuh : "Saha nya ngaran?"

Ciung Wanara : "Abdi teh Ciung Wanara."

Ratu Galuh : "Rek naon seja ieh datang ka dieu?"

Ciung Wanara : "Sineja rek nyorog ngadu hayam, tapi ku langkung awon."

Ratu Galuh : "Mana hayamna?"

HAYAM DITINGALIKEUN KARATU GALUH. RATU GALUH MARIOS HAYAM ADUN A CIUNG WANARA.

Ratu Galuh : "leu hayam teh ti mana asalna?"

Ciung Wanara : "Sumuhun pariksa Gusti, ari hayam abditurunan tina sayangna, indung

bikang bapa jago, ngendog sataun sahiji, sayangna kudu kanangn."

Ratu Galuh : "Paingan hayam teh bet alus."

Ciung Wanara : "

SABOT KITU DEWIPANGRENYEP NGAHAREWOS KA LENGSER.

Dewi Pangrenyep: "Eh, Lengser, sok inget ka emban Naga Ningrum, basana keur waktu babar dikakaya, ari ayeuna nu dipiceun datang deui ka payuneun Ratu, aing teh kalangkung sieun."

Lengser : "Montong dianggo sieun, sabab ieu boga ibu, ayeuna mah geura aku ku gamparan."

Dewi Pangrenyep: "Mangke Lengser, ku aing dipikir heula."

RATU SASAURAN KA CIUNG WANARA

Ciung Wanara : "Abdi mah teu ngabantun tumpang, ngan sineja rek numpangkeun umur."

Ratu Galuh : "Hade ari tega mah kana umur, pilawaneunana nya eta ti aing nagara sabeulah."

Ciung Wanara : "Sumangga, ulah pon beurang, peuting ge seja ngiringan."

Ratu Galuh : "Hayu geura, pek makalangan!" bobotohna patih dua."

HAYAM DIADUKEUN. ITU TEUNEUNG IEU LUDEUNG. WANISARUADAEKNA. HAYAM TEH PRAK BAE ABAR. SILIHPACOK KU PAMATUK. SILIHGITIK KU JANGJANGNA. SILIHPEUPEUH KU SUKUNA. HAYAM SARUA BEDASNA. LILA-LILA HAYAM CIUNG WANARA KADESEH. HAYAM TEH PEK KAPAEHAN. HAYAM TEH DIBANJUR. TULUY HAYAM DIADUKEUN DEUI. KEUR KITU DATANG NAGA WIRU TI GUNUNG PADANG, NYURUP KA HAYAM CIUNG WANARA. AHIRNA HAYAM CIUNG WANARA BISA NGELEHKEUN HAYAM ARIA BANGA.

(Diropea tina Panyungsi Sastra, 71-78)